کابلده جاپان ایلچی‌خانه‌سی، بو مملکت‌نینگ افغانستانده زلزله‌دن زیان کۉرگنلر اوچون بۉلگن یاردملری، کابلگه ییتیب کېلگنیدن خبر بېردی.
بو حقده نشر اېتیلگن بیاناتگه کۉره، اوشبو یاردملر جاپان‌نینگ خلقارا یاردملر اداره‌سی تامانیدن یوباریلگن بۉلیب، افغانستان شمال و شمال‌شرق حدودلریده، زلزله‌دن زیان کۉرگن اهالیگه ترقه‌تیله‌دی.
جاپان‌نینگ اوشبو یاردملری، قیش موسومی اوچون کۉرپه و یاتاقلردن عبارت دیر که افغانستان قیزیل یریم آی تشکیلاتی همکارلیگیده ترقه‌تیله‌دی.
ایتیش کېره‌ک که سونگی کونلر ایچیده، یوز بېرگن زلزله، افغانستان شمال و شمال شرق ولایتلریده مینگ‌لب عایله‌نی زیانلنتیردی.
بو حادثه‌دن بیر هفته زمان اۉتماقده بۉلسه‌ده بیراق هلی‌گچه اهالی یاردم ییتکزیلمه‌گنیدن شکایت قیله‌دیلر.
