خلق‌ارا ساغلیقنی سقلش تشکیلاتی بوگون شنبه ۱۷ – عقرب، بیر حسابات نشر قیلیب، افغانستان شمال و شمال شرقی حدودلریده یوز بېرگن سونگی زلزله زیانلری و قربانلری حقیده معلومات بېردی.
بو تشکیلات تامانیدن نشر اېتیلگن حساباتگه کۉره، سونگی زلزله نتیجه‌سیده ۲۶ کیشی جان بېرگن و ۱ مینگ و ۱۷۲ کیشی یره‌لنگن.
اوشبو واقعه نتیجه‌سیده کۉپلب قربانلر بلخ و سمنگان ولایتلریدن رویخطگه آلینگن که ساغلیقنی سقلش تشکیلاتی معلوماتی اساسیده، بلخ ولایتیده ۱۲ کیشی جان بېریب و ۶۳۵ کیشی یره‌لنگن. شونینگدېک سمنگان ولایتیده هم زلزله نتیجه‌سیده ۱۳ کیشی جان بېریب و ۴۲۱ کیشی یره‌لنگن.
ساغلیقنی سقلش تشکیلاتی بلخ و سمنگان ولایتلریگه قوشیمچه، جوزجان، سرپل، قندوز و بغلان ولایتلری هم زلزله‌دن زیان کۉرگنینی معلوم قیلدی.
اوشبو حسابات اساسیده، زلزله نتیجه‌سیده ۱ مینگ و ۳۱۹ اوی ویران بۉلگن که بو ویرانلیک کۉپینچه سمنگان ولایتیدن قید اېتیلگن.
عینی حالده بیرلشکن ملتلر تشکیلاتی‌نینگ ساغلیقنی سقلش اداره‌سی، زلزله‌دن زیان کۉرگنلر اوچون یاردم ییتکزیش خصوصیده سعی و حرکتلر اېتیلگنینی بیلدیریب، بیراق ساغلیق خادملری و دارولر آزلیگی اینقسه عیال شفاکارلر آزلیگی، ساغلیق خذمتلری ترقهتیلیشی برابریده جدی معما یره‌تگنینی معلوم قیلدی.
ایتیش کېره‌ک که بو ساغلیقنی سقلش تشکیلاتی‌نینگ اوچینچی حساباتی دیر که افغانستان نینگ شمال و شمال شرقی حدودلریده‌گی زلزله زیانلری حقیده نشر اېتیلماقده.
