افغانستان شمال و شمال‌شرق حدودیده زلزله یوز بېرگنیدن بیرهفته زمان اوتر اېکن اۉزبېک تی‌وی زلزله‌دن زیان کۉرگن قیشلاقلر احوالینی تیکشیریشی دوامی‌ده، سمنگان ولایتی حضرت‌سلطان تومنیده‌گی ۱۵ قیشلاقنی تیکشیردی.
اۉزبېک تی‌وی اختیاریده قرار تاپکن معلوماتلر اساسیده، حضرت سلطان تومنی‌نینگ بو قیشلاقلریده توپلم حالده، ۴۰۲ اوی بوتونله‌ی یاده قسمی کۉرینیش‌ده ویران بۉلگن.
دیمک بو گزارش‌ده، شلکتو، شورقُل، چقمقلی، تولگچی، لوپان کۉکجر، مالکار کۉکجر، قیزیلباش، بامیانچی، غندکی، سراقیه، صدویی، لوپانی، کابلی بالا، کابلی پایین و لرخابی قیشلاقلریده، زلزله عاقبتیده اۉرته‌گه کېلگن زیانلر تیکشیریلگن.
اۉزبېک تی‌وی تاپیشمه‌لریگه کۉره، اکثریت جمعیتی اۉزبېکلردن عبارت بۉلگن بو قیشلاقلرده، ۱۷۴ یشش اوی بوتونله‌ی ویران بۉلگن و قالگن ۲۲۸ اوی هم قسمی کۉرینیش‌ده ویران بۉلگن.
قسمی ویران بۉلگن اوی‌لر هم دیوار و تاملری جدی ضربه کۉرگن و اولرنینگ ایچیده یشش جدی خوفلی بۉلگنی سبب ممکن اېمس دیر.
اوشبو ویرانگرلیکلر سبب حضرت سلطان‌نینگ یوزلب عایله اهالیسی باش‌پناه‌سیز قالگن و شاشیلینچ یاردملرنی کوتماقده دیر.
ایتیش کېرە‌ک که حاضرگچه بو اهالی‌گه ییترلی یاردم ییتکزیلمه‌گنی تنقیدلرگه هم سبب بۉلماقده و اهالی قیش موسومی ییتیب کېلمە‌ی باش پناه توزاتیش‌لری اوچون یاردم کۉرسه‌تیلیشینی سۉره‌یدی.
منبع‌لرنینگ اۉزبېک تی‌وی گه ایتیشیچه، یاردم بیرووچی تشکیلاتلرنینگ تیکشیروو تیملری اهالی احوالینی تیکشیریب کېتگن بیراق هلی‌گچه اساسی یاردملردن درک یۉق دیر.
