پاکستان و طالبان وکیللری‌نینگ استانبولده شهریده‌گی مذاکره‌لری یکونلنیشی آرتیدن، ایران تشقی ایشلر وزیری سیدعباس عراقچی و پاکستان باش وزیری اۉرین باسری همده تشقی ایشلر وزیری محمد اسحاقدار، بو مساله خصوصیده تلیفونی صحبت قیلگن.
ایران تشقی ایشلر وزیرلیگی تامانیدن نشر اېتیلگن بیاناتگه کۉره، بو مملکت تشقی ایشلر وزیری پاکستان و طالبان اۉرته‌سیده‌گی قرمه-قرشی‌لیکلردن اۉز خواطرینی بیلدیرگن.
شونینگدېک ایران تشقی ایشلر وزیری، ایکی تامان اۉرته‌سیده معمالر حل اېتیلیشی اوچون سۉزلشوولر دوامی تاکیدلگن.
ایتیش کېره‌ک که استانبولده اۉتکزیلگن طالبان و پاکستان مذاکره‌لری نتیجه‌سیز یکونلندی.
اوشبو مذاکرهلردن کېین، طالبان و پاکستان بیر-بیراوینی معمالرنی حل اېتیش‌ده تیار اېمس‌لیکده عیب‌لدی.
