طالبان‌نینگ مهاجرلر ایشلری بۉییچه عالی کمیسیونی بوگون یکشنبه ۱۸ – عقرب بیر بیانات نشر قیلیب، ایران و پاکستان مملکتلریدن ۱۲ مینگ و ۴۵۵ مهاجر مملکتگه قیتریلگنیدن خبر بېردی.
بوحقده نشر اېتیلگن معلوماتگه کۉره، اوشبو مهاجرلر ۲ مینگ و ۹۸ عایله‌دن عبارت بۉلیب، ایران و پاکستان حکومتلری تامانیدن مجبوری چیقاریلگن.
دیمک بو مهاجرلر، اسلام قلعه، ابریشم کۉپریگی، تورخم، بهرامچه و اسپین بولدک چیگره یۉللری آرقه‌لی مملکتگه قیتریلگن.
طالبان مهاجرلر کمیسیونی مملکتگه قیتیب کېلگن بو مهاجرلرگه یاردم ترقه‌تیلگنیدن خبر بېرگن.
بو مهاجرلر شوندی بیرحالده قیتیریلماقده دیر که طالبان اقتصاد وزیری دین محمدحنیف بیرلشکن ملتلر تشکیلاتی وکیللری بیلن بۉلگن اوچره‌شوویده، قیتیب کېله‌یاتکن مهاجرلر احوالی گه ییتیشیش اوچون کۉپراق اعتبار قره‌تیلیشینی طلب قیلگن اېدی.
