طالبان حکومتی نینگ تشقی ایشلر وزیرلیگیده‌گی مالیه و مأموریت بۉییچه اۉرین‌باسری محمد نعیم، پاکستان نینگ افغانستانلیک مهاجرلرنی چیقره‌یاتگینیده قیلگن حرکتلرینی ناتۉغری ونا انساني دېب اته‌دی.
طالبان تشقی ایشلر وزیرلیگی دوشنبه، 19-عقرب چیقرگن بیاناتیده یازیلیشیچه، بیرلشکن ملتلر تشکیلایتی نینگ باش کاتبی نینگ افغانستان بۉییچه مخصوص نماینده‌‌سی اۉرین‌باسری و انسانپرورلیک یاردملری موافقلشتیرووچیسی اندریکا راتوته بیلن اوچره‌شووده پاکستان نینگ مهاجرلرنی چیقریشده‌گی معامله‌سی انساني، اسلامي و یخشی قۉشنیچیلیک قدریتلریگه ضد اېکنینی ایتگن.
بیاناتگه کۉره، او خلق‌ارا همجمعیت‌نی پاکستان نینگ بو حرکتلریگه قرشی مناسبت بیلدیریشگه چقیرگن.
بو آره‌ده، پاکستان و طالبان اۉرته‌سیده‌گی چېگره تۉقنه‌شوولری باشلنگنیدن سۉنگ، پاکستان افغان مهاجرلرنی چیقریش جریانینی کوچه‌یتیردی.
پاکستان مدافعه وزیری خواجه محمد آصف چېگره تۉقنه‌شوولری باشلنگنیدن کېین ایتیشیچه، میلیونلب افغان مهاجرلر اۉز یورتلریگه قَیتیشلری کېره‌ک و پاکستان اېندی مهمان‌دۉستلیک نینگ آغیر یوکینی کۉتره آلمه‌یدی.
