جهان آزیق-آوقت دستوری (WFP) افغانستانده، اینقسه عیاللر اۉرته‌سیده، آزوقه یېتیشماوچیلیگی خواطرلی درجه‌ده آرتیب باره‌یاتگنینی اعلان قیلدی.
اوشبو تشکیلات بوگون دوشنبه ۱۹- عقرب، بېرگن بیاناتیده قیش فصلی کېلیشی بیلن، مملکتده آزوقه یېتیشمسلیگی سېزیلرلی درجه‌ده آشیشی ممکن‌لیگینی آگاه‌لنتیردی.
جهان آزیق-آوقت دستوری قۉشیب اۉتگنی‌دېک، سۉنگی اۉن ییللرده ایلک بار افغانستانده قیشکی یاردم دستورلری‌نینگ تۉلیق عملگه آشیریلیشی ممکن بۉلمسلیگی ممکن.
بیاناتده، بو حالت‌نینگ “آلدینی آلیش ممکن بۉلگن فوق‌العاده وضعیت” اېکنلیگی تٲکیدلنگن و خلق ارا جمعیتدن اۉز وقتیده یاردم و قۉلب-قوتلش افغانستان‌نینگ مینگلب انسانلرینی سقلب قالیش امکانینی بېریشی ایتیلگن.
جهان آزیق- آوقت دستوری اۉتگن آیده هم، افغانستانده آچلیک و آزوقه یېتیشماوچیلیگی حالتی آغیرلنه‌یاتگنینی آگاه‌لنتیرگن اېدی.
اوشبو تشکیلات شونینگدېک، قیش باشلنیشیدن آلدین شاشیلینچ یاردمگه احتیاج بارلیگینی بیلدیرگن و افغانستانلیک باله‌لری همده عایله‌لرینی کوچلی آچلیک خوفیدن سقلش ضرورلیگینی تٲکیدلگن.
