تورکی دولتلر تشکیلاتی بوگون سه‌شنبه ۲۰ – عقرب نشر قیلگن بیاناتیده، بوندن کېین بو تشکیلات‌نینگ ویب‌سایتی برچه اعضا دولتلر آنه تیللریده موجودلیگینی اعلام قیلدی.
دیمک تورکی دولت تشکیلاتی‌نینگ مخصوص ویب سایتی، بوندن کېین انگلیس و تورک تیلی یانیده، اۉزبېک، قزاق، آذربایجان و قیرغیز تیللریده هم فعالیت قیلیب، بو تشکیلاتگه تېگیشلی اخبارات و بیاناتلرنی اعلام قیله‌دی.
تورکی دولتلر تشکیلاتی تامانیدن بو خصوصده نشر اېتیلگن بیاناتده “اېندی تورکی دولتلر تشکیلاتی ینگی‌لیکلری، تشبث‌لری و منبع‌لرینی اۉز آنه تیلینگیزده اۉقینگ.” دېب بیلدیریلگن.
ایتیش کېره‌ک که بوندن ایلگری، تورکی دولتلر تشکیلاتی‌نینگ ویب‌سایتی یالغیز انگلیسچه و تورکچه تیللریده نشر اېتیلیب کېلگن اېدی.
ایتیش کېره‌ک که تورکی دولتلر تشکیلاتی سونگی ییللرده، سیاسی بیرلشیشگه قوشیمچه، قوشمه مدنیت رواجی اوچون هم اونملی آدیملر کوتارگن.
