طالبان ایچکی ایشلر وزیرلیگی سۉزلاوچیسی عبدالمتین قانع بوگون سه‌شنبه ۲۰ – عقرب بیر بیانات نشر قیلیب، هرات ولایتیده ۱۴ کیشی‌دن عبارت بیر گروه قورالی اۉغری‌لر اوشلنگنیدن خبر بېردی.
دیمک اوشبو شخص‌لر، افغانستان بویلب اۉغیرلیک واقعه‌لری کۉپهیگن بیرحالده اوشلنماقده دیر.
طالبان تامانیدن نشر اېتیلگن بیاناتگه کۉره، هرات ولایتیده توتقینگه آلینگن بو شخص‌لر، تلیفون، موتر و اوی ایدیش‌لرینی اۉغیرلش بیلن شغللنیب کېلگن اېکن.
شونینگدېک طالبان بو گروه آدملر قوراللی بۉلگنینی هم معلوم قیلگن.
ایتیش کېره‌ک که طالبان هر کونی افغانستان تورلی ولایتلریدن بیر قنچه کیشی‌لر اۉغیرلیک عیبلاوی بیلن حبسگه آلینگنینی خبر قیلهدی.
افغانستانده اهالی‌نینگ اقتصادی احوالی کون-سایین آغیرلشیب باره‌یاتکنی بیلن بیرگه، اۉغیرلیک واقعه‌لری هم کۉپهیگن.
