طالبان نظارتیده‌گی عاموی اخبارات واسطه‌لری پنجشیر ولایتیدن قازیب آلینگن ۲۸۰۷ قیراط زمرد ساتیلگنیدن خبر بېرماقده.
طالبان نظارتی آستیده‌گی باختر اخبارات یېتکیرمه‌سی بوگون سه‌شنبه ۲۰- عقرب، طالبان‌نینگ پنجشیر ولایتیده‌گی حاکمی سۉزلاوچی‌سی سیف الدین لتون سۉزلریگه اساساً، بو مقدارده‌گی زمرد ۱ میلیون ۹۲۸ مینگ افغانی پول‌گه ساتیلگنیدن خبر بېرگن.
لتون‌نینگ سۉزلریگه کۉره، بو زمرد مقداری ایچکی سوداگرلرگه ساتیلگن.
شونینگدېک، بیر نېچه وقت آلدین هم طالبان‌نینگ نظارتیده‌گی عاموی اخبارات واسطه‌لری پنجشیر ولایتی‌نینگ تورلی تومن‌لریده ینگی زمرد، بیروج و قیزیل‌خال کان‌لری‌نینگ تاپیلگنی حقیده خبر بېرگن اېدی.
طالبان افغانستان‌گه ینه حکمرانلیک قیلگنیدن سۉنگ، مملکت کانلرینی قازیب آلیش و اونینگ محصولاتلرینی ساتیشینی کېنگ مقیاسده باشلگن.
اوشبو گروه بیر نېچه وقت آلدین پنجشیر ولایتیدن قازیب آلینگن ۳۹۴۱ قیراط زمردنی هم ساتگن اېدی.
