طالبان تشقی ایشلر وزیرلیگی پاکستان پایتختی اسلام آبادده‌گی پارتلش و بو مملکت‌نینگ جَنوبي وزیرستان حدودیده‌گی حربي تعلیم مرکزیگه قیلینگن هجومنی قتّيق قاره‌له‌دی.
طالبان تشقی ایشلر وزیرلیگی سۉزلاوچی‌سی عبدالقهار بلخي بوگون سه‌شنبه، 20 -عقرب اعلام قیلگن بیاناتیده، اوشبو هجوملر قربانلری‌نینگ عایله‌لریگه همدردلیک بیلدیردی.
بوگون توش پیتی بیر هجومچی اسلام آبادده‌گی محکمه بناسی یقینیده جایلشگن پولیس موترینی نشانگه آلدی. هجوم نتیجه‌سیده کمیده 12 کیشی اۉلیب، 27 کیشی یره‌لندی.
پاکستان یېتکرمه‌لری نینگ خبر بېریشیچه، هجومچی اوّل اسلام اباد نینگ «جی-11» منطقه‌سیده‌گی محکمه بناسیگه کیریشگه اورینگن، بیراق بونگه موفق بۉلمه‌گه‌چ، تشقریده تورگن پولیس مو‌تریگه هجوم قیلگن.
اۉتکن کون هم جَنوبي وزیرستانده‌گی واناکادت کالیجیگه بیر گروه قوراللنگن جنگچیلر باسیب کیرگن اېدی. هجوم عاقبتیده بیر نېچه کیشی اولیب بۉلگن و یره لنگن.
