روسیه جمهور باشلیغی ولادیمیر پوتین و قزاقستان جمهور باشلیغی قاسم جومر توقایف اۉرته‌سیده‌گی اوچره‌شوو، روسیه جمهورلیک ریاست سرایی یا ده کرملین‌ده باشلندی.
روسیه یېتکیرمه‌لری تامانیدن نشر اېتیلگن معلوماتگه کۉره، اوشبو اوچره‌شووده ایکی تامانلمه مناسبت‌لر و استراتیژیک همکارلیکلر حقیده صحبت قیلینه‌دی.
تاس یېتکیرمه‌سی روسیه جمهور باشلیغی مطبوعات کاتبی دیمیتری پسکوف‌دن نقل قیلیب خبر بېریشیچه، قزاقستان جمهور باشلیغی تیار بۉلیب و امریکا جمهور باشلیغی دونالد ترامپ بیلن بۉلیب اۉتگن اوچره‌شووی حقیده معلومات بېرسه، پوتین بو مساله‌دن خرسند بۉله‌دی دېب بیلدیرگن.
پسکوف بو مساله خصوصیده معلومات بېریش یاده بېرمس‌لیک عموما توقایف اختیاریده دېب تاکیدلگن.
شونینگدېک روسیه جمهور باشلیغی مطبوعات کاتبی، پوتین بو اوچره‌شووده اوکراین اوروشی دوامی و بو اوروش یکونلنیشی اوچون سۉزلشوولر حقیده معلومات بېریشینی معلوم قیلگن.
ایتیش کېره‌ک که قزاقستان جمهور باشلیغی رسمی بیر سفر بیلن مسکوگه تشریف بویورگن و بوگون و اېرته بو شهرده بۉلیشی ریجه‌لشتیریلگن.
توقایف بو سفری شوندی بیرحالده دیر که قزاقستان شامل اۉرته آسیا باشقه مملکتلری‌نینگ رهبرلری بیرگه‌لیکده، امریکا جمهورلیک ریاست سرایی‌ده دونالد ترامپ بیلن اوچرهشگن اېدی.
