بیرلشکن ملتلر تشکیلاتی چوکاتیده فعال جهان آزیق-ـآوقت دستوری و آزیق-آوقت و ایکینچیلیک اداره‌سی قوشمه بیر حسابات نشر قیلیب، دنیاده میلیونلب انسان آغیر آچلیک احوالده بۉلگنیدن آگاه‌لنتیردی.
بو حقده نشر اېتیلگن حساباتگه کۉره، قورغاقچیلیک، اقلیم اوزگریشی و یاردملر آزه‌یشی سبب میلیونلب انسان آغیر احوالده توشیب قالگن.
بیرلشکن ملتلر تشکیلاتی بو اداره‌لری‌نینگ حساباتیده، سودان، یمن و غزه اوشبو وضعیت‌دن جدی زیان کۉره‌یاتکن حدودلر اوله‌راق تانیشتیریلگن.
بیرلشکن ملتلر تشکیلاتی انسان‌پرورلیک یاردملر تیزلیک بیلن ییتیشتیریلیب بو خصوصده چاره-تدبیر کۉریلمه‌گن تقدیرده، وضعیت تاباره یامانلشیدن هم آگاه‌لنتیرگن.
ایتیش کېره‌ک که بوندن ایلگری، افغانستان هم دنیاده اینگ آغیر اقتصادی احوالده بۉلیب تورگن مملکتلر جمله‌سیدن تانیشتیریلیب کېلماقده و مملکت جمعیتی‌دن یریمی‌دن کۉپراغی انسان‌پرورلیک یاردملرگه محتاج‌لیگی معلوم قیلینگن.
