بوندن چمه‌سی ایککی-یریم آی ایلگری، طالبان‌نینگ سرپل ولایتیده اخبارات و مدنیت ریاستی قراری اساسیده، ولایت‌نینگ عمومی دروازه‌سیده‌گی اۉزبېکچه یازوو اوچیریلیب، اۉرنیده پشتو تیلیده بۉلگن یازوو قوندیریلگن اېدی.
بو حقده اۉزبېک تی‌وی هم خبر نشر قیلگندن کېین، منبع‌لر اۉزبېک تی‌وی گه بیر قنچه سرپللیک فعاللر اخبارات و مدنیتی ریاستی‌گه مراجعت قیلیب، بو قرارنی بیکار قیلیشینی سۉره‌شدی دېب بیلدیردی.
سرپللیک بو فعاللر، ولایت عمومی دروازه‌سیده اۉزبېکچه یازوو قیته قۉییلمه‌گن تقدیرده، اولر کینگ ناراضلیک نمایش اویوشتیریش‌لریدن آگاه‌لنتیردی و سرپل ولایت محلی رسمی‌لری بو اعتراضدن کېین، عمومی دروازه‌ده‌گی پشتو یازوونی هم توشیریشگه مجبور بۉلگندی.
حاضر منبع‌لرنینگ اۉزبېک تی‌وی گه یازیشیچه، اوشبو قراردن کېین حاضرگچه سرپل‌نینگ سانچارک، سۉزمه قلعه و گوسفندی تومنلری تامان چیقیب کېته‌یدیگن دروازه‌سی بنری یازووسیز قالیب کېلماقده.
سرپللیک فعاللر، حاضر یازوودن بوش تورگن بو دروازه‌ده قیته اۉزبېکچه یازیلیشیینی سۉره‌ب، اۉزبېک تی‌وی گه یازگن.
