افغانستان اوچون پاکستان نماینده‌سی محمدصادق وبریتانیا مخصوص نماینده‌سی ریچارد لیندسی ترورچیلیک هجوملر باره‌سیده گپلشدیلر.
محمدصادق جمعه کونی ۲۳عقرب اۉزی‌نینگ ایکس صحیفه‌سیده، بریتانیالیک همکسبی بیلن بۉلگن تیلفونی صحبتده منطقوی خوفسیزلیک باره‌سیده گپیرگنینی یازگن.
مذکور صحبت طالبلر و پاکستان اۉرته‌سیده‌گی چېگره جنجاللریدن کېیین بۉلیب اۉتگن.
شونینگدېک طالبلر و پاکستان‌نینگ استانبول‌ده مذاکره‌سی باشی بېرک کوچه‌ده ایله‌نیب قالگن بیر پیتده، طالبلر همده اسلام آباد اۉرته‌سیده تۉقنشوو ینه باشله‌نیشی حقیده میش- میشلر بار.
سۉنگّی هفته‌لر ایچیده طالبلر و پاکستان ارا تۉقنشوولر هر ایکّی مملکت اۉرته‌سیده تجاری علاقه‌لر تۉختب قالیشیگه سبب بۉلدی.
باشقه تاماندن رسمی اسلام آباد طالبلرنی تی‌تی‌تی نی حمایت قیلیب کېلگنلیکده عیبله‌یدی
