ایریم یېتکیرمه‌لر اۉزلری‌نینگ ایشانچلی منبعلری معلوماتیگه اساسلنیب نشر قیلگن خبرلریگه کۉره، بوگون (شنبه ۲۴ -عقرب) تاجیکستان‌نینگ یوقاری مرتبه‌لی بیر هیاتی کابل کېلگن. ایتیلیشیچه تاجیکستان اوشبو هیاتی ترکیبی‌ده بو مملکت تشقی ایشلر وزیرلیگی، خفوسیزلیک اداره‌لری و باشقه مهم مسووللری حضوری بار دیر.
هیات نینگ سفریدن مقصد تاجیکستان جمهوریتی و طالبلر اۉرته‌سیده‌گی سیاسي، اقتصادي و خوفسیزلیک علاقه‌لرینی کېنگه‌یتیریش و مستحکملشدن عبارت اېکنلیگی ایتیلماقده.
شونینگدېک، بو هیات طالبلر تورلی مسووللری بیلن اوچره‌شوولرده کېلگوسی همکارلیکلر حقیده هم چوقور مذاکره‌لر آلیب باریشی بیلدیریله‌دی.
اساسي دیپلوماتیک ملاقاتلردن تشقری، تاجیکستان پایتختی دوشنبه‌ده طالبلر اېلچیخانه‌سی بیلن باغلیق مسأله‌لر و باشقه علحیده موضوعلرگه تېگیشلی صحبتلر هم بۉلیب اۉتیشی ممکن دېیه قۉشیمچه قیلگن بو حقده یېتکیرمه‌لرگه معلومات بېرگن منبع‌لر.
ایتیش کېره‌ک که تاجیکستان، طالبان حاکمیتگه کېلگنیدن کېین بو گروه بیلن قرشی‌لیک کۉرسه‌تگن یالغیز مرکزی آسیا مملکتی اېدی که حاضر کۉرینیشیچه بو مملکت هم طالبان بیلن علاقه اۉرنه‌تیشده اورینماقده.
