محلی منبعلر، تخار ولایتیده بیر سابق حربینینگ اۉلدیریلگنینی خبر قیلگن.
منبعلرگه کۉره بوگون شنبه ۲۴ – عقرب، سابق حربی وحید ایکی کون آلدین تخارنینگ “شرکت” کۉچهسیده اۉلدیریلگنینی و اونینگ جسدی “مال بازار” منطقهسیده تاپیلگنینی تصدیقلهدیلر.
محلی منبعلروحید چال تومنینینگ “ماندره” قیشلاغینینگ اصلی اهالیسیدن بۉلگنینی تیلگه آلگن.
منبعلرنینگ قۉشیمچه قیلیشیچه، وحیدنینگ دۉستلری او بیلن باغلنیشگن و کېچقورون او پیچاق بیلن اۉلدیریلگن. رحمتلی بیر آی آلدی تورموش قورگن اېکن.
منبعلرنینگ کۉپیتیریشیچه، طالبان بو واقعه بیلن باغلیق بیر نېچه کیشینی حبسگه آلگن.
شو بیلن بیرگه، طالبان افغانستاننی ینه اېگللب آلگنیدن سۉنگ، تخار ولایتیده بیر قنچه سابق حربیلرینی حبسگه آلیب، قییناققه سالگن و بعضن آتیب تشلگن.
خلاصه قیلیب ایتگنده، طالبان ۲۰۲۳ ییلدن ۲۰۲۵ ییلنینگ یریمیگه قدر ۱۱۰ سابق حربیلرنی اۉلدیرگن.
