افغانستان غربی حدودیده طالبان خوفسیزلیک ادارهلرینینگ اعلام قیلیشیچه، بو حاکمیت کوچلری تامانیدن ۳۱۵ کیشی ایران تامان ناقانونی بارهیاتکن چاغلری اوشلنیب، قیتریلگن.
دیمک بو شخصلر اۉتگن بیر هفته دوامیده، طالبان تامانیدن ایران چیگرهلریدن اوشلنیب قیتریلگن.
طالبان شوندی بیرحالده بو شخصلرنی قیترماقده دیر که مملکتدهگی ایشسیزلیکلر، کۉپلب اهالی اینقسه یاش-ییگیتلرنی ایران تامان کېتیشگه مجبور قیلهدی.
افغانستان حاکمیتی طالبان قۉلیده توشگنیدن بیری، ایشسیزلیکلر سانی کۉپهیگن و شو سبب ناقانونی مهاجرت هم جدی کۉپهیگنی خبر قیلینگن.
بو وضعیت بیلن بیرگه، ایران حکومتی هم افغانستانلیک مهاجرلرنی چیقاریش جریانینی جدیلشتیرگن و سونگی بیر ییل ایچیده بیر میلیوندن آرتیق مهاجرنی چیقاریب، افغانستانگه یوبارگن.
