طالبان نظارتیدهگی باختر اخبارات آژانسی تامانیدن نشر اېتیلگن خبرگه کۉره، کابل-جلال آباد عمومی قتناو یۉلیده جایلهشگن لغمان ولایتیده اۉلیملی ترافیکی بیر حادثه یوز بېرگن.
لغمان خوفسیزلیک قومندانلیگی تامانیدن باختر آژانسی اختیاریده قۉییلگن معلومات اساسیده، بوگون اېرتهلب یکشنبه ۲۵ – عقرب، یوز بېرگن اوشبو حادثه نتیجهسیده آلتی کیشی جان بېرگن و ینه اوچ کیشی اېسه یرهلنگن.
واقعهده جان بېرگنلر ایچیده بیر عیال و بیر باله بارلیگی هم معلوم قیلینگن.
اوشبو واقعه لغمان ولایتینینگ قرغیو تومنیده بیر موتر یۉلدن چیقیب کېتیب، قولهشی نتیجهسیده یوز بېرگن.
ایتیش کېرهک که سونگی وقتلرده، افغانستان تورلی حدودلریده بو کبی واقعهلر یوز بېریب اهالیدن قربانلیک آلماقده دیر.
یۉللر بوزوقلیگی و ترافیک قاعدهلری نظرده توتیلمسلیگی اوشبو واقعهلر یوز بېریشی اساسی سببلریدن دېب ایتیلماقده.
