اۉزبېکستان جمهور باشلیغینینگ مطبوعات کاتبی شیرزاد اسدوف، بوگون یکشنبه ۲۵ – عقرب بیر بیانات نشر قیلیب، بو مملکت جمهور باشلیغی شوکت میرضیایفنینگ منطقه مملکتلری اوچون بۉلگن تکلیفلرینی اعلام قیلدی.
دیمک میرضیایف اوشبو تکلیفلرنی، اۉزبېکستان میزبانلیگیده اۉتکزیلگن «مرکزی آسیا دولتلری رهبرلرینینگ مصلحتی اوچرهشووی»ده بیان قیلگن.
اۉزبېکستان جمهور باشلیغی، اوشبو ییغینده مرکزی آسیا دولتلری اۉرتهسیده همکارلیکلرگه قوشیمچه افغانستان خصوصیده هم ایریم تکلیفلرنی بیلدیرگن.
اۉزبېکستان جمهور باشلیغی بو ییغینده، افغانستان هم منطقوی انرژی و ترانسپورت لایحهلریگه قوشیلیشینی تکلیف قیلگن.
شونینگدېک اۉزبېکستان جمهور باشلیغی «افغانستان و خوفسیزلیک» مسالهلری خصوصیده بیر ریجه هم تیارلب، مرکزی آسیا مملکتلری رهبرلری بیلن شریک قیلگنی معلوم قیلیندی.
شیرزاد اسدوف تامانیدن بو حقده نشر اېتیلگن بیاناتده کېلیشیچه “منطقوی خوفسیزلیک و برقرارلیک معناسی همده تهدیدلر و خوفلر کاتالوگی تصدیقلش اوچون تقدیم اېتیلدی. افغانستان منطقوی انرژی و ترانسپورت لایحهلریگه اشتراکی مهملیگی تاکیدلندی.»
اۉزبېکستان جمهورلیک ریاست مطبوعات خذمتی، خوفسیزلیک و برقرار تهدیدلری خصوصیده، شوکت میرضیایف تامانیدن تیارلنگن ریجه حقیده آرتیقچه تفصیلات بېرگن اېمس.
عینی حالده اۉزبېکستان جمهور باشلیغی، افغانستان و خوفسیزلیک مسالهلریگه باغلیق «فرغانه تینچلیک فورمی» منتظم اۉتکزیلهیاتکن خلقارا انجمنگه اَیلنیشینی هم تکلیف قیلگن.
شونینگدېک بو ییغینده، اۉرته آسیا مملکتلری اۉز-ارا همکارلیکلرنی کینگهیتیریشنی تاکیدلب، سودا حجمینی هر بیر مملکت بیر-یریم الی ایکی برابر کوتاریشی تاکیدلنگن.
اوشبو ییغینده، مرکزی آسیا مملکتلری دولت رهبرلرینینگ مصلحتی ییغینیده، آذربایجان هم تۉلیق اعضا بۉلیشی تصدیقلنگن.
