بیرلشکن ملتلر تشکیلاتی انسانپرورلیک یاردملرینی هماهنگلشتیریش ادارهسی یا ده «اوچا» بوگون یکشنبه ۲۵ – عقرب بیر حسابات نشر قیلیب، افغانستانده انسانپرورلیک یاردملر آزهیشی ممکنلیگیدن آگاهلنتیردی.
بو تشکیلات تامانیدن نشر اېتیلگن حساباتده، بودجه آزلیگی معماسی جاری میلادی ییلنینگ اکتبر و دسمبر آیلری ایچیده، اساسی یاردملر تۉختهتیلیشیگه سبب بۉلیشی ممکنلیگینی بیلدیریلگن.
شونینگدېک اوچا تشکیلاتی، اوشبو اساسی یاردملر سوو، آزیق-آوقت و تعلیم ساحهلریده اېکنینی بیلدیریب، بو یاردملر ترقهتیلیشی تۉختهتیلیش عرفهسیده اېکنینی اورغولهدی.
بیرلشکن ملتلر تشکیلاتینینگ بو ادارهسی، اوشبو یاردملر ترقهتیلیشی اوچون تیزلیک بیلن بودجه تیارلنیشی کېرهک دېب اعلام قیلدی.
ایتیش کېرهک که سونگی ییللرده، افغانستان اقتصادیات احوالی آغیرلشگنی بیلن بیرگه انسانپرورلیک یاردملر اوچون اجرهتیلگن بودجهلر هم آزهییب کېتماقده دیر.
