بیرلشکن ملتلر تشکیلاتی نینگ ترقیات دستوری بوگون یکشنبه ۲۵ – عقرب بیر حسابات نشر قیلیب، افغانستانده هر ییلی ۲۰۰ مینگ کیشی اقلیم اوزگریشی عاقبتلریدن زیان کۉرهدی دېب اعلام قیلدی.
اوشبو تشکیلات حساباتیگه کۉره، میلادی ۱۹۵۰ – ییلدن بیری افغانستانده هوا ۱.۸ درجه سانتیگراد ایسیب کېتگنی قید اېتیلگن.
شونینگدېک بیرلشکن ملتلر تشکیلاتی ترقیات دستوری، اوشبو هوا اوزگریشی سبب افغانستانده قورغاقچیلیک و طبیعی آفتلر یوز بېریب نتیجهده هر ییلی ۲۰۰ مینگ کیشینی زیانلنتیرهدی.
بیرلشکن ملتلر تشکیلاتی بو ادارهسی حساباتیده، افغانستان اقلیم اوزگریشیگه هیچ قندهی حصهسی بۉلمهگنی بیراق بو وضعیت اینگ کۉپ زیان کۉرهیاتکنی بیلدیریلگن.
بو وضعیت شوندی بیرحالده آگاهلنتیریماقده دیر که افغانستان سونگی ییللر سوو تاشقینلری کبی اۉلیملی واقعهلرگه گواه بۉلیب و مینگلب انسان جان بېرگن.
بونگه قوشیمچه اخیرگی ییللرده، ایکینچیلیک محصولاتلری هم جدی بیر طرزده آزهییب، اهالینی آغیر احوالده قرار بېرگن.
