بیرلشگن ملتلر تشکیلاتی‌نینگ باش کمیساری (UNHCR) خبر بېریشیچه، پاکستان جاری ییل باشیدن بېری ۱۰۰ مینگ‌دن آرتیق افغانستان یشاووچی‌لرینی قۉلگه آلگن، بو حاضرگچه قید اېتیلگن اېنگ یوقاری رقم‌دیر. بو مثالی کۉریلمگن اۉسیش پاکستان خوفسیزلیک کوچلری بوتون مملکت بۉیلب افغانستان‌لیک مهاجرلرینی قۉلگه آلیش اوچون کېنگ کۉلملی عملیاتلرنی باشلگنی بیلن یوز بېرگن.
بوگون یکشنبه ۲۵-عقرب، یو‌ان‌ایچ‌سی‌آر معلوماتلری‌گه کۉره، ۲۰۲۵ ییل ۱ جنوریدین ۱۵ نوامبرگچه جمعی ۱۰۰۹۷۱ افغانستان‌لیک مهاجری قۉلگه آلینگن. بو رقم ۲۰۲۴ ییلده ۹ مینگ افغانستان‌لیک مهاجری قۉلگه آلینگن اېدی و ۲۰۲۳ ییلده ۲۶ مینگ افغانستان‌لیک مهاجرلری قۉلگه آلینگن اېدی، اېندی بو حالت بیلن سالیشتیرگنده، سېزیلرلی اۉسیشنی کۉرسته‌دی.
اېنگ کۉپ قۉلگه آلیشلر بلوچستان‌نینگ چاغی تۉمنیده، کویته شهری و پنجاب ایالتی‌نینگ اتّک حدودلرده یوز بېرگنی معلوم قیلیندی.
اوشبو تشکیلات قۉلگه آلینگنلرنینگ ۷۶ فایزی افغانستان‌لیک مهاجرلر (ACC) کارت اېگه‌لری یاکه رسمی حجت‌سیز مهاجرلر بۉلگن، ۲۴ فایزی اېسه (POR) کارتی‌گه اېگه رۉیخط‌دن اۉتگن باش‌پناه ایزلاوچیلر. قۉلگه آلیشگن‌لرنینگ کۉپیشی پاکستان حکومتی ایکی علاحیده فرمان چیقریب، افغانستان‌لیک مهاجرلرینی اسلام آباد و راولپندی‌دن هیدب چیقریشی، شونینگدېک پولیس‌گه (POR) کارت‌لی شخص‌لرنی هم قۉلگه آلیش حقوقینی بېریشیدن سۉنگ کوچیگنی تیلگه آلگن.
