اۉزبېکستان جمهور باشلیغی شوکت میرضیایف و تورکمنستان جمهور باشلیغی سردار بیردی محمدوف اۉرته‌سیده، بوگون دوشنبه ۲۶ – عقرب، قوشمه بیانات امضالندی.
اوشبو بیانات تورکمنستان جمهور باشلیغی‌نینگ تاشکینت‌گه بۉلگن سفری و بو سفر دایره‌سیده اۉزبېکستان دولت رهبری بیلن اۉتکزگن اوچره‌شوویدن کېین، امضالنگن.
شونینگدېک بو ایککی تورکی دولت یوقاری مرتبه‌لی رسمی‌لری اۉرته‌سیده، باشقه تورلی شرطنامه‌لر و بیتیملر امضالنگنی حقیده هم خبر بېردی اۉزبېکستان جمهور باشلیغی‌نینگ مطبوعات خذمتی.
بو حقده نشر اېتیلگن معلوماتگه کۉره، ایکی مملکت یوقاری مرتبه‌لی رسمی‌لری آره‌سیده، چیگره زونلری فعالیتی تۉغریسیده‌گی شرطنامه، ساغلیقنی سقلش، ایکینچیلیک همده فوق العاده وضعیت‌لرنی آلدینی آلیش و عاقبت‌لرنی برطرف اېتیش بیتیم‌لری امضالنگن.
عینی حالده، اۉزبېکستان و تورکمنستان رسمی‌لری، خلق‌ارا یۉللاوچی و یوک تاشیش تۉغریسیده ایککی دولت اۉرته‌سیده‌گی بیتیم همده عدلیه و مدنیت وزیرلیکلری همکارلیکلری تۉغریسیده‌گی بیتیم‌لرگه اوزگرتیریش کېلتیریش تۉغریسیده‌گی بیان‌نامه‌لرنی هم امضالگن.
