طالبان تشقی ایشلر وزیرلیگی بوگون دوشنبه ۲۶ – عقرب بیر بیانات نشر قیلیب، تاجکستان حکومتی‌نینگ یوقاری مرتبه‌لی هیاتی، امیرخان متقی بیلن اوچره‌شگنیدن خبر بېردی.
طالبان تشقی ایشلر وزیرلیگی، تاجکستان بو هیاتی ترکیبی‌ده بو مملکت‌نینگ تورلی اداره‌لریدن یوقاری مرتبه‌لی رسمی‌لر بارلیگینی هم معلوم قیلگن.
اوشبو اوچره‌شووده، ایکی تامانلمه مناسبت‌لر اینقسه دیپلوماتیک علاقه‌لر کینگه‌یشی، مساله‌لری خصوصیده فکر المشیریلگن.
طالبان تشقی ایشلر وزیری، بو حاکمیت تاجکستان بیلن مناسبت‌لرینی تورلی ساحه‌لرده کینگه‌یتیریشگه تیار اېکنینی معلوم قیلدی.
شونینگدېک تاجکستان هیاتی هم طالبان بیلن مناسبت‌لری و همکارلیکلرینی کینگه‌یتیریشگه تیار دېب قوشیمچه قیلگن طالبان تشقی ایشلر وزیرلیگی.
ایتیش کېره‌ک که بوندن ایککی کون ایلگری، ایریم یېتکیرمهلر اۉز منبع‌لری معلوماتیگه اساسلنیب، تاجکستان بو هیاتی‌نینگ کابلگه بۉلگن سفری‌دن خبر بېرگن اېدی.
