افغانستان پایتختی کابل شهریده، بوگون دوشنبه ۲۶ – عقرب، طالبان یوقاری مرتبهلی رسمیلری حضوریده «امام ابوحنیفه ملی و خلقارا» کۉرگزمهسینینگ تۉرتینچی دوری آچیلدی.
بو حقده نشر اېتیلگن معلوماتلر اساسیده، اوشبو کۉرگزمه عقرب آیینینگ ۲۹ – سیگه قدر دوام اېتیب، بو ییرده افغانستانده ایشلب چیقاریلگن محصولاتلرگه قوشیمچه، باشقه بیر قنچه مملکتلر محصولاتلری هم کۉرگزمهده قۉییلهدی.
طالبان یوقاری مرتبهلی رسمیلری بو ییغینده، افغانستان سودا ساحهسینینگ حاضرگی احوالی حقیده صحبت قیلدیلر.
طالبان صناعت و سودا وزیری نورالدین عزیزی، حاضر افغانستان دنیا بویلب ۸۰ مملکت بیلن سوداگرلیک مناسبتلری بارلیگینی بیلدیردی.
شونینگدېک طالبان رسمیلری بو ییغینده، ینه بیربار تدبیرکارلردن افغانستانده سرمایه یاتقیزیشلرینی سۉرهدی.
ایتیش کېرهک که امام ابوحنیفه نامیده بۉلگن کۉرگزمه، طالبان حاکمیتگه کېلگنیدن بویان هر ییلی اۉتکزیلیب کېلماقده دیر.
