بیرلشکن ملتلر تشکیلاتی‌نینگ خوفسیزلیک کېنگشی نوبتده‌گی ییغینی‌ده، امریکا قوشمه ایالتلری تامانیدن تیارلنگن، غزه تینچ‌لیک ریجه‌سی تصدیق‌لندی.
بیرلشکن ملتلر تشکیلاتی خوفسیزلیک کېنگشی اعضالری جمله‌سیدن، ۱۳ مملکت بو ریجه خصوصیده ایشانچ آواز بېرگن و چین و روسیه اېسه اۉزلرینی بی‌طرف قالدیرگن.
دیمک اوشبو ریجه اساسیده، غزه‌ده تینچ‌لیک تامین‌لنیشی مقصدیده، خلق‌ارا کوچلر جایله‌شتیریلدی.
شونینگدېک ریجه‌ده، غزه اقتصادی رواجلنیشی اوچون سعی‌وحرکتلر نظرده توتیلگنی معلوم قیلینگن.
ایتیش کېره‌ک که اسراییل و حماس اۉرته‌سیده‌گی اوروش ایککی ییل دوام اېتیب، بیر نیچه وقت ایلگری امریکا تکلیفی اساسیده تیارلنگن آتیش-کېسین کېلیشووی اساسیده تۉخته‌تیلگن اېدی.
اوشبو مدت ایچیده، بیر نیچه مراتبه اسراییل آتیش-کېسین بوزگنی حقیده خبرلر نشر اېتیلگن.
