بیرلشکن ملتلر تشکیلاتی آزیق-آوقت و ایکینچیلیک اداره‌سی بوگون سه‌شنبه ۲۷ – عقرب بیر بیانات نشر قیلیب، افغانستانده دواملی بۉلگن قورغاقچیلیک عاقبت‌لریدن خواطر بیلدیرگن.
بیرلشکن ملتلر تشکیلاتی بو اداره‌سی، روزغاری سیگیردن آله‌یاتکن سوت‌گه باغلیق جوزجان‌لیک عابده ناملی بیر آنه‌خان احوالی‌دن ویدیو بیانات ترقه‌تیب، قورغاقچیلیک تاثیرلری خصوصیده آگاه‌لنتیرگن.
آزیق-آوقت و ایکینچیلیک تشکیلاتی اۉز بیاناتیده، ییللردن بیری دوام اېتیب کېله‌یاتکن قورغاقچیلیک افغانستان اهالیسی جانینی خوف آستیده قویگنیدن هم آگاه‌لنتیرگن.
شونینگدېک بو تشکیلات اوشبو وضعیت‌گه ییتیشیش اوچون چاروه‌دارلرگه یاردم ییتکزیلگنینی هم معلوم قیلدی.
اوشبو یاردملرگه قۉل تاپکنلردن بیری جوزجان‌لیک آنه‌خان، بو یاردملر بیلن سیگیرلر قارنی تویگنی و بو اېسه اونینگ روزغاری اوچون ایجابی تاثیر قویگنینی تیلگه آلگن.
جوزجان‌لیک بو آنه‌خان، سیگیرلریگه ییترلیچه ییم ییتکزیب بیریلمه‌گن تقدیرده اولر سووتینی کمه‌یتیریب، روزغارینی جدی خوف آستیده قویه‌دی دېب قوشیمچه قیله‌دی جوزجان‌لیک آنه‌خان آزیق-آوقت و ایکینچیلیک اداره‌سی بیلن بۉلگن صحبتیده.
