بیرلشکن ملتلر تشکیلاتی نینگ پاکستانده‌گی قاچقینلر بۉییچه عالي کمیسارلیگی ( UNHCR Pakistan) اوچ نفر همراه‌سیز افغان باله‌لری نینگ چیقریب یوباریلیشی و افغانستانلیکلر نینگ مجبوري چیقریلیشی نینگ آرتیب باره‌یاتگنیدن تشویش بیلدیرگن.
اوشبو اداره سه‌شنبه، 27 -عقرب ایکس صحیفه‌سیده اعلام قیلگن خبریده پاکستاندن افغانستانگه قَیتگن تقدیرده خوف آستیده بۉلگن شخصلرنی حمایه قیلیشنی دوام اېتدیریشنی سۉره‌گن.
بو بیانات افغانستانلیکلر نینگ مجبوري چیقریب یوباریلیشی خلق‌ارا درجه‌ده انسان حقلری بۉییچه تشویشلرنی کوچه‌یتیرگن بیر پیتده بیلدیریلماقده.
شو بیلن بیرگه، پاکستان طالبان بیلن چېگره کېسکینلیکلری نینگ آرتیشی بیلن افغانستانلیک قاچقینلرینی چیقریب یوباریش جریانینی تېزلشتیرگن.
پاکستانده سۉنگی اۉز جانیگه قصد هجوملریدن کېین هم افغانستانلیک قاچقینلری نینگ احوالی کېسکین آغیرلشگن و حبسگه آلیش همده مجبوري چیقریشلر باره‌سیده خواطرلر کوچه‌یگن.
