اۉزبېکستان انرژی وزیرلیگی، ۲۰۲۶ ییلده افغانستان‌گه برق صادراتینی دوام اېتتیریش تۉغریسیده “برشنا” کمپنیه‌سی بیلن کېلیشووگه اېریشگنلیگینی اعلام قیلدی.
اوشبو کېلیشوو بوگون سه‌شنبه ۲۷-عقرب، اۉزبېکستان انرژی وزیری جوره‌بېک میرزا محمودوف‌نینگ افغانستان برق کمپنیه‌سی “برشنا” رئیسی عبدالباری عمر بیلن تاشکېنتده‌گی اوچره‌شووده امضالندی.
اۉزبېکستان انرژی وزیرلیگی معلوماتلریگه کۉره، اوچره‌شووده افغانستان حدودیده ینگی برق اوزه‌تیش لین‌لری و ترنسفرماتور قوریش بۉییچه ایشلر سۉزله‌شیلدی و ایکی تامان “لایحه‌لرنی جدی‌لشتیریش”گه اورغو بېردی.
انرژی وزیرلیگی شونینگدېک، اۉزبېکستان جمهور رئیسی شوکت میر ضیایف‌نینگ افغانستان اقتصادی‌نی رواجلنتیریش و مملکت اهالیسی‌نینگ تورمویش شرایطینی یخشی‌لشگه کمک‌لشیش تشبث‌لری همکارلیک‌نی کېنگیتیریش اوچون اساس یره‌تگنینی تٱکیدله‌دی.
اۉزبېکستان سۉنگی ییللرده افغانستان‌گه برق صادر قیلیووچی اساسی مملکت‌لردن بیری بۉلیب کېلگن.
افغانستان اۉزی‌نینگ برق احتیاج‌لرینی ایران، اۉزبېکستان، تاجکستان و تورکمنستاندن قاندیرماقده.
