روسیه‌ده‌گی اۉزبېکستانلیک هیداوچیلر آگاهلنتیریلدی
روسیه حدودیده ملي هیداوچیلیک گواهنامه‌لریدن فایده‌لنیش نینگ عملده‌گی ترتیبی اۉزگرمه‌دی. شو سببلی اۉزبېکستان جمهوریتی نینگ روسیه فدراسیونیده‌گی اېلچیخانه‌سی آگاهلنتیریش بیلن چیقدی.
خارجي هیداوچیلیک گواهنامه‌لرینی تن آلیش بۉییچه روسیه قانونچیلیگیگه کیریتیلگن اۉزگرتیریشلرگه کۉره، اۉزبېکستان جمهوریتی نینگ عملده‌گی ملي هیداوچیلیک گواهنامه‌لری بیلن روسیه فدراسیونی حدودیده ترانسپورت واسطه‌لرینی شخصن باشقریش ممکن.
شو بیلن بیرگه، روسیه فدراسیونی حدودیده کسبي فعالیتنی (تکسی، یوک تشیش، یۉلاوچی تشیش و باشقه‌لر) عملگه آشیریش اوچون روسیه هیداوچیلیک گواهنامه‌سینی آلیش ضرور، بو اېسه خارجلیک هیداوچیلرنی بېلگیلنگن ترتیبدن اۉتیشینی طلب قیله‌دی.
اېسله‌تیب اۉتیش کېرک که، آلدینراق «سنکت-پترزبورگ» رسميلری ایشلش اوچون رخصت‌نامه‌سی بۉلگن محنت مهاجرلریگه نسبتاً تکسی‌چیلیک و کورېرلیک خدمتلریده ایشلشگه قۉییلگن تعقیقنی 2026 ییلگچه اوزه‌یتیریشنی رېجه‌لشتیره‌یاتگنی حقیده خبر بېریلگن اېدی.
