امریکا قوشمه ایالتلرینینگ جمهور باشلیغی دونالد ترامپ، بو مملکت جمهورلیک ریاست سرایی یا ده «آقسرای»ده، سعودی عربستان ولیعهد محمد بن سلماننی، قیزغین کوتیب آلدی.
خلقارا یېتکیرمهلر تامانیدن نشر اېتیلگن خبرلرگه کۉره، ایککی تامان اۉرتهسیده تورلی مسالهلر بحث اېتیلماقده و مهم کېلیشوولر امضالنیشی کوتیلهدی.
بیبیسی تلویزیون کانالی خبریگه کۉره، دونالد ترامپ بو اوچرهشووده، امریکانینگ اف-۳۵ حربی اوچاقلری سعودی عربستانگه ساتیلیشینی وعده بېرگن.
شونینگدېک سعودی عربستان ولیعهدی، بو مملکت ترامپ کوتگنیدن هم یوقاری امریکاده بیر تریلیون دالر سرمایه یاتقیزیشگه تیار دېب اعلام قیلگن.
دیمک بوندن ایلگری دونالد ترامپ، سعودی عربستان امریکاده ۶۰۰ میلیون دالر سرمایه یاتقیزهدی دېب معلوم قیلگن اېدی.
اوشبو اوچرهشوودن کېین، دونالد ترامپ سعودی عربستانگه اف-۳۵ حربی اوچاقلرنی ساتیشگه قرار قیلسه، بو مملکت مذکور حربی امکانیتگه قۉل تاپکن ایلک عرب مملکتی بۉلهدی.
دیمک سعودی عربستان حربیلری، اوشبو اوچاقلرنی اختیاریده آلگن تقدیرده، اولرنینگ خوفسیزلیک کوچلری انچه اوستون بۉلیشی ممکن.
ایتیش کېرهک که بوندن ایلگری، ترامپ و بن سلمان اوچرهشووی دایرهسیده کمیده ۸ همکارلیک شرطنامهسی امضالنیشی معلوم قیلینگن اېدی.
اوشبو شرطنامهلر، حربی و خوفسیزلیک همده اقتصادی لایحه خصوصیده قرهتیلگنی اَیتیلگن.
