طالباننینگ مهاجرلرگه ییتیشیش عالی کمیسیونی تامانیدن نشر اېتیلگن معلوماتگه کۉره، اۉتگن کون سهشنبه ۲۷ – عقرب، ۷ مینگ و ۳۲۶ مهاجر مملکتگه قیتریلگن.
بو حقده نشر اېتیلگن معلوماتنی بیلدیریشیچه، بیرمینگ و ۳۵۷ عایلهدن عبارت بۉلگن بو مهاجرلر، ایران و پاکستان حکومتلری تامانیدن جبری چیقاریلیب، مملکتگه قیتریلگن.
اوشبو مهاجرلر، تورخم، اسپین بولدک و اسلام قلعه چیگره یۉللری آرقهلی مملکتگه قیتریلگن.
شونینگدېک طالبان مهاجرلر کمیسیونی بو مهاجرلردن کۉپینچهسیگه یاردم بیریلگنی و اولر افغانستان بیر قنچه ولایتلری اینقسه، فاریاب، جوزجان، سرپل، سمنگان، تخار و قندوز ولایتلریگه یوباریلگنینی معلوم قیلدی.
ایتیش کېرهک که سونگی بیر ییل ایچیده، ایران و پاکستان حکومتلری افغانستانلیک مهاجرلرنی چیقاریشنی جدیلشتیریب، میلیونلب مهاجرنی مملکتگه قیترگن.
اوشبو مقیاسده مهاجرلر مملکتگه قیتیشی، افغانستان اقتصادیاتینینگ باسیم آستیده هم قۉیگن.
