فاریاب ولایتی نینگ قیصار تومنیده یوزبېرگن ترافیکی بیرحادثه عاقبتیده ایکّی کیشی هلاک بۉلیب، ینه تۉرت کیشی جراحت آلگن.
فاریابده‌گی طالبان امنيه قمندانلیگی خبرنامه‌ده ایتیشیچه، حادثه کېچه کېچقرون سه‌شنبه، 27 – عقرب قیصار تومنی نینگ صوفی قلعه منطقه‌سیده یوز بېرگن.
خبرنامه‌ده یازیلیشیچه، بیر موتر سایکل کرولا روسوملی موتر بیلن تۉقنه‌شگن بۉلیب، نتیجه‌ده موترسیکل نینگ ایکّی نفر یۉلاوچیسی هلاک بۉلگن و مو‌ترده‌گی تۉرت کیشی یره‌لنگن.
خبرنامه معلوماتلریگه کۉره، موتر هیداوچیسی طالبان تامانیدن حبسگه آلینگن و حاضر تېرگاو آستیده.
ایتیش کیره‌ک که، اۉتگن هفته‌ده هم میمنه یۉلیده تېز حرکتلنگن بیرموتر یوک مو‌تری بیلن تۉقنه‌شووی عاقبتیده تۉرت کیشی هلاک بۉلگندی.
اوشبو حادثه‌لر نینگ اساسي سببی‌نی یۉللر نینگ یامان حالتی و هیداوچیلر نینگ احتیاطسیزلیگی کۉرسه‌تیله‌دی.
