فلسطین ساغلیقنی سقلش وزیرلیگی اعلام قیلیشیچه، آخرگی 48 ساعت ایچیده غزه‌ده یېتّی کیشی هلاک بۉلیب و ینه 33 کیشی یاره‌لنگنی سببلی شفاخانه‌گه یېتکزیلگن.
الجزیره چهارشنبه کونی، 19 نوامبر خبر بېریشیچه، غزه ساغلیقنی سقلش وزیرلیگی اکتوبر آیی‌نینگ اۉرته‌سیده عملگه آشیریلگن تینچلیک کېلیشوویدن بېری اسراییل هجوملریده 280 کیشی هلاک بۉلگن و 672 کیشی یاره‌لنگنی‌نی معلوم قیلگن دیر.
خبرگه کۉره، غزه حکومتی نینگ یېتکیرمه اداره‌سی هم اسرییل سۉنگی آتیش-کېسین شرطلرینی بوزیب، 393 هجوم قیلگنینی اعلام قیلگن.
2023 ییل 7 اکتوبردن بویان 69 مینگ فلسطینلیک هلاک بۉلگن و 170 مینگدن آرتیق کیشی جراحتلنگن.
غزه نینگ ساغلیقنی سقلش وزیرلیگی بیلدیریشیچه، اسرییل هجوملری دوامیده تېز طبي یاردم و شهر قوتقروو جماعه‌لری کۉپلب قربانلرگه، اینیقسه، ویران بۉلگن بنالر آستیده یاکه یۉللرده قالگنلرگه یېتیب باره آلمه‌گن.
