بدخشان ولایتی‌دن محلی منبع‌لرنینگ‌خبر قیلیشیچه، بو ولایت‌نینگ یاوان تومنی‌ده ینه بیر ترافیکی حادثه یوز بېریب، ایککی کیشی جان بېرگن و باشقە تۉرت کیشی یره‌لنگن.
واقعه یالور قیشلاغیده یوک تاشووچی بیر موتر، یۉلدن چیقیب کېتیب محلی ساغلیق مرکزی‌لریدن بیری بیلن تۉقنه‌شگنی نتیجه‌سیده، یوز بېرگن.
ایتیلیشیچه اهالی خرجتی بیلن تیارلنگن بو ساغلیق مرکزی، اوشبو واقعه نتیجه‌سیده جدی ویرانگرلیککه اوچره‌گن.
بدخشان ولایتی اهالیسی بو مرکز ویران اېتیلیشی، اهالی‌گه ساغلیق خذمت‌لری ترقه تیلیشیگه جدی معما یره‌تیشیدن هم خواطر بیلدیرگن.
عینی حالده، بو واقعه‌ده یۉلدن چیقیب کېتگن موتر، آلتین قزیب چیقرووچی کمپنیه‌لردن بیری‌گه تېگیشلی بۉلیب واقعه قربانلری هم مذکور کمپنیه ایشلاچیلری اېکنی معلوم قیلینگن.
ایتیش کېرە‌ک که افغانستان تورلی حدودلریده سونگی وقتلر ایچیده، ترافیکی حادثه‌لر سانی کۉپه‌یگن.
