طالبان نینگ صناعت و تجارت وزیری نور الدین عزیزی، هندستان تشقی ایشلر وزیری سابرامانیام جایشانکار بیلن اوچره‌شوو اۉتکزدی.
جایشانکار ایکس صحیفه سیده اۉز پیامینی شونده‌ی یازگن: «تجارتنی مستحکملش، ترانسپورت علاقه‌لرینی یخشیلش و خلقلر اۉرته‌سیده‌گی همکارلیکنی رواجلنتیریش بۉییچه فکر المشدیک. هندستان افغانستان خلقی نینگ ترقیاتی و فراوانلیگینی قۉللب-قوّتلشینی ینه بیر بار تأکیدلشدیک.»
طالبان نینگ صناعت و تجارت وزیرلیگی خبرنامه‌ده ایتیشیچه، اوچره‌شووده چابهار بندری نینگ ینه‌ده فعا ل بۉلیشینیایکّی مملکت نینگ تجارت اتشه‌لری تعیینلنیشی همده افغانستان خصوصي سکتوری اوچون ویزه آلیش جریانینی آسانلشتیریش حقیده بحث بولینگن.
وزیرلیک معلوماتیگه کۉره، ملاقات دوامیده اوّل موجود بۉلگن قۉشمه ایشچی گروهنی قَیته فعاللشتیریش، قۉشمه تجارت اتاغینی تشکیل اېتیش و چابهار بندر بیلن باغلیق معمالرنی حل قیلیش باره‌سیده کېلیشوولرگه اېریشیلگن.
طالبان و هندستان تجارتنی کوچه‌یتیریش یۉللرینی ایزلر اېکن، کابل عینِ پیتده پاکستان بیلن تجارت علاقه‌لری تۉختب قالگنی آرتیدن تقویه یۉنه‌لیشلر قیدیرماقده.
ایتیش کیره‌ک که سۉنگی کونلرده، طالبان افغانستانلیک تدبیرکارلرگه اوچ آی مدت بېرگن بۉلیب، اولر پاکستانده‌گی حساب-کتابلرینی یکونلب، تجارتلرینی باشقه دولتلر بیلن کېنگه‌یتیریشگه چقیرگن.
