«افغانستان مطبوعات اېرکینلیگینی قۉللب-قوّتلش تشکیلاتی» تامانیدن آلمانده افغانستان بۉییچه جهان سۉز اېرکینلیگی سمپوزیویمی اۉتکزیلدی.
اوشبو تشکیلات جمعه کونی، 30 – عقرب بیانات یازیب، بو جهانی سمپوزیمده ژورنالیستلر و میدیا فعاللری افغانستانده اخبارات آلیش امکانیتی و سۉز اېرکینلیگی حالتی حقیده بحث بولینیب اۉتهیاتکنینی یاتگنینی بیلدیردی.
مطبوعاتنی قۉللب-قوّتلش تشکیلاتی اوشبو ییغیلیشده اۉزی نینگ تدقیقات نتیجهلرینی اعلام قیلیب، سۉنگی تۉرت ییل ایچیده افغانستانده 550 دن آرتیق قانونبوزرلیک و زۉرآورلیک حالتلری، شونینگدېک، طالبان تامانیدن جاري اېتیلگن 25 دن آرتیق چېکلاوچی فرمان قید اېتیلگنینی معلوم قیلدی.
تشکیلات باشلغی حامد عبیدی ایتیشیچه، یېتکیرمه تنقیدي یۉق بۉلیب کېتگن و عیاللر عامهوي اخبارات واسطهلریدن بوتونلهی چیقریب تشلنگن.
اونینگ سۉزلریگه کۉره، کۉپلب ژورنالیستلر حبس و قییناقلردن قاچیش اوچون یشیرین روشده فعالیت یوریتیشگه مجبور بۉلماقده.
او تأکیدلشیچه، افغانستان ژورنالیستلری پاکستان، ایران، هندستان و تورکيه کبی قۉشنی و منطقهدهگی دولتلرده «خوف آستیده» یشهماقده.
عبیدینینگ قۉشیمچه قیلیشیچه، حقوقي حجتلر نینگ یۉقلیگی، خوفسیزلیک باسیمی، حبسگه آلیش تهدیدی و مجبوري دېپورت بۉلیش خوفی یوزلب ژورنالیستلر نینگ حیاتینی تهدید آستیگه قۉیماقده.
او خلقارا همجمعیتنی حمایهلش چارهلرینی تېزلشتیریش، انسانپرورلیک ویزهلرینی تقدیم اېتیش و دېپورتلرنینگ آلدینی آلیش اوچون شاشیلینچ چارهلر کۉریشگه چقیردی.
تشکیلات رهبری ینه تأکیدلشیچه، سورگونده فعالیت یوریتهیاتگن افغانستان عامهوي اخبارات واسطهلری کېسکین مالیوي تنقیصلیککه دوچ کېلگن، کۉپلری یۉنهلیشینی اۉزگرتیریش یاکه فعالیتینی تۉختهتیشگه مجبور بۉلگن.
