پایتخت مکتبلری و مملکت نینگ کۉپلب ساووق اقلیملی ولایتلریده ییللیک امتحانی بوگون شنبه، 1- قوس باشلندی، اما شو بیلن بیرگه قیزلر نینگ تعلیم کېله‌جگی باره‌سیده‌گی تشویشلر همان دوام اېتماقده.
6-صنف قیز اۉقووچیلری امتحان باشلنگنیدن سۉنگ ایتیشلریچه، اولر کېله‌جکلریدن خواطرده‌لر و طالبان نینگ دوام اېته‌یاتگن تعلیم تعقیقلری طفیلی نا انیق کېله‌جک بیلن یوزمه-یوز بۉلیشه‌یاتگنینی تأکیدلشه‌دی.
ناديه، کابلده‌گی دولت مکتبلریدن بیری نینگ 6-صنف اۉقووچیسی، بو ییل مکتبگه باریشگه رخصت بېریلگن آخرگی ییلینی اۉتکرماقده.
اونینگ تعلیمنی دوام اېتدیریشگه بۉلگن کوچلی قیزیقیشی و شفاکار بۉلیش آرزوسی بۉلیشیگه قره‌مه‌ی، طالبان تامانیدن جاري اېتیلگن چېکلاولر اونی 6-صنفدن کېینگی اۉقیشنی دوام اېتدیریشدن محروم قیلگن.
ناديه شونده‌ی دېیدی: «کېله‌سی ییل اۉقيآلمه‌سلیگیمدن خواطرده بۉلگنیم اوچون امتحانگه تۉغری تیارلنه آلمه‌دیم. بو ییل آخرگی امتحانیم، مکتبگه باره آلمه‌سلیگیمدن جوده اضطرابده‌من.»
بوگون بوتون مملکت بۉیلب عمومي امتحان باشلنگن بیر پیتده، قیزلر نینگ تعلیم کېله‌جگی باره‌سیده‌گی تشویشلر عایله‌لرنی هم خواطرگه سالماقده.
بو ییل هم، آلدینگی ییللر کبی، 6-صنفنی بیتیرگن قیزلر اوچون اۉقوو باسقیچینی آشیریش امکانیتی موجود اېمس.
مریم امتحانگه تیار بۉلیشیگه قره‌مه‌ی، آلدینگی ییللرده‌گی هیجان و قووانچ یۉقلیگینی ایته‌دی؛ چونکه 6-صنفنی توگتگچ اونگه تعلیمنی دوام اېتدیریشگه رخصت بېریلمه‌یدی.
مریم: «مېن شفاکار بۉلیشنی آرزو قیله‌من، مېن کبی مینگلب قیزلر اۉقیش و عالي تعلیم آلیشنی خواهلشه‌دی، لېکن حاضرگی شرایطده بو آرزو عملگه آشمسلیگینی بیله‌من. مېن کېله‌سی ییلی اۉقیشیمنی دوام اېتدیرماقچیمن.»
شو بیلن بیرگه، اَیریم قیزلر عایله‌لری هم قیزلرینی تعلیمدن محروم قیلیشنی تنقید قیلیب، طالبانگه قیزلرنی اۉز سیاستلری نینگ قربانیگه ایلنتیرمسلیکنی ایتیشماقده.
فیروزه، کابل اهالیسی شونده‌ی دېیدی: «قیزلریم نینگ کېله‌جگی نیمه بۉله‌دی؟ اولر بېک ېله‌جک قالیشه‌یپتی، اولر آرزولرگه اېگه، مېن اولر نینگ تقدیریدن خواطرده‌من.»
بو آره‌ده، قیزلر اوچون 6-صنفدن یوقاری مکتبلر نینگ یاپیلگنیگه 1500 کون بۉله‌یاتگنی ایتیله‌دی. طالبان حاکمیتگه قَیتگنیدن بیر آی اۉتیب، 1400-ییل 26 سنبله کونی اعلام قیلگن بیاناتی بیلن اۉرته و لیسه باسقیچیده قیزلر نینگ مکتبگه باریشینی تعقیقله‌گن و اۉشندن بېری تعلیم اېشیکلری فقط اۉغیل باله‌لر اوچون آچیق قالگن.
