هراتده اۉنینچی زعفران گُلی فستیوالی بوگونشنبه، 1 – قوس باشلندی واوچ کون دوام اېته‌دی.
اوشبو فستیوالده زعفران یېتیشتیریش وایشلب چیقریش بیلن شغللنه‌دیگن 82 ته کمپنیه محصولاتلرینی نمایشگه قۉیگن.
شونگه قره‌مه‌ی، افغانستان زعفرانچیلر اویوشمه‌سی مسولری قورغاقچیلیک مملکتده زعفران حاصلیگه هم تأثیر کۉرسه‌تگنینی ایتیشه‌دی.
اوشبو اویوشمه مدیری محمد ابراهیم عادل نینگ ایتیشیچه، مملکتده 70 تُن زعفران ییغیب آلینیشی کوتیلگن اېدی، اما اۉتگن ییل کبی فقط 40 تُن زعفران حاصل قیلیندی دېگن.
او اقلیم اۉزگریشلری وقورغاقچیلیکنی زعفران حاصلی نینگ کمه‌ییشیده‌گی اېنگ مهم عامل دېب اته‌دی.
عادل ینه ایتیشیچه، اولر فارمرلرگه زمانه‌وي زعفران اېکیش اصوللرینی اۉرگه‌تیش اوستیده ایش آلیب بارماقده.
افغانستانده زعفران حاصلی کمه‌یگن بۉلسه-ده، اونینگ نرخی ایچکی بازارلرده آشگن.
هراتده‌گی زعفراننی قَیته ایشلش وقداقلش کمپنیلری مسوللری‌نینگ ایتیشیچه، اۉتگن ییلی 1 کیلوگرام زعفران نرخی 80 مینگ افغاني بۉلگن، بو ییل اېسه نرخ 110 مینگ افغانيگه یېتگن.
افغانستان زعفرانی اساسن مملکت نینگ غربیده جایلشگن هرات ولایتیده یېتیشتیریله‌دی، بیراق سۉنگی ییللرده باشقه ولایتلرده هم اونینگ اېکیلیشی کۉپیگن.
افغانستان زعفرانی صفتی بۉییچه بیر نېچه بار دنیاده بیرینچی ا‌ۉریننی قۉلگه کیریتگن.
