جوزجان ولایتیده‌گی اۉزبېکچه یازوولی لوحه بیر هفته‌لیک ناراضیلیکلردن سۉنگ قَیته اۉرنه‌تیلدی.
عقرب آیی نینگ ۱۲-کونی طالبلر تامانیدن اۉزبېکچه یازیلگن اوشبو لوحه‌نینگ آلیب تشلنگنی حقیده ایلک بار «اۉزبېک تی وی» خبر بېرگن اېدی. خبر نشر قیلینیشی بیلن اجتماعي ترماقلرده کېنگ محاکمه‌لر باشلندی.
اۉزبېک تی وی ناراضیلیک بیلدیرماقده بۉلگن یوزدن آرتیق فعاللرنینگ فکرلرینی بیرمه-بیر یاریتیب، اولر نینگ دردینی جماعتچیلیککه یېتکزیشگه موفق بۉلدی. تورکیه‌ده تورکستان ایللری اۉقوو، مدنیت و یاردملشمه اویوشمه‌سی نینگ باشلیغی هاشم همده بو حقده اۉزبېک تی‌وی گه ایتیشیچه «جوزجان بیلیم یورتی کیره‌دیگن ایشیگیده‌گی اۉزبېکچه لوحه آلیب تشلنیشی‌دن کېین خلق‌میزنینگ اجتماعی ترماقلرده کینگ مناسبت‌لری و سعی‌وحرکتلری نتیجه‌سیده قیتریلدی.»
اۉزبېک تی‌وی بیر هفته ایچیده: یوزدن آرتیق فعال و سیاستچی فکر و مناسبت‌نی ترقه‌تدی، بو حقده اۉنلب کیشی اۉزبېک تی‌وی‌گه مناسبت‌لرینی یازدی و افغانستان ایچیده و تشقری‌ده فعال یېتکیرمە‌لر بیلن علاقه‌لرنی باغلب اولرنی بو خصوصده یازیش‌لرینی طلب قیلدی.
کۉپ اۉتمه‌ی، برچه اخبارات کاناللری بو واقعه نی یاریتدیلر. اۉزبېک ضیالیلری بیلن بیر قطارده، باشقه ملت فعاللری و اَیریم سیاستچیلر هم بونگه مناسبت بیلدیریب، اۉزبېک تیلی نینگ حرمت قیلینیشی ضرورلیگینی تأکیدله‌دیلر. نهایت، کېنگ خلق ناراضیلیکلری آرتیدن طالبلر لوحه‌نی قَیته تیکلشگه مجبور بۉلدیلر.
فعاللر بونده‌ی بیرلشگن حالده‌گی آواز کۉتریش خلقیمیز مدنیتی اوچون مهم اېکنینی قید اېتماقده‌لر. اولر نینگ فکریچه، تیلیمیز و مدنیتیمیزنی حمایه قیلیش یۉلیده عیناً شونده‌ی بیرلیگی کوچلی یاندشوولر دواملی بۉلیشی کېره‌ک.
ژورنالیست و فعال شفیع بیک اۉغلی جنابلری بو حقده شوندی دېدی: «جوزجان بیلیم یورتی لوحه‌سیده‌گی اۉزبېکچه یازوو قیتریلیشی همه‌میزنی قووانتیردی، چونکه اۉزبېک تیلی‌ده یازیلمه‌ی لوحه اۉرنه‌تیلگنی جدی ناراضلیکلرگه سبب بۉلدی، دهقان‌دن باشلب سیاستچی‌گچه بو مساله‌گه بی‌فرق بۉلمه‌دی.»
شونینگدېک شاعر و ژورنالیست تاج محمد ایلسیور جنابلری هم بو حقده فکرلرینی شوندی دېب بیز بیلن شریک قیلدی «بیلیم یورت لوحهسی توشیریلیشی خلق‌میز تامانیدن کینگ ناراضلیکلرگه سبب بۉلدی، البته بو حرکتلر تیلیمیز رواجی اوچون ایجابی ثمره بېردی.»
شو بیلن بیرگه، فعاللر ناراضیلیکلر نینگ ترقه‌لیشی و اۉزبېک تیلی همده مدنیتی نینگ عامه‌وي حمایه‌سیده «اۉزبېک تی وی» نینگ فعالیتی کتّه رۉل اۉینه‌گنینی تأکیدلشماقده.
ژورنالیست و فعال شفیع بیک اۉغلی نینگ آرتیقلشیچه «یېتکیرمه‌لر آره‌سیده شوندی که آتی‌دن معلوم اۉزبېک تی‌وی خلق‌نینگ حقیقی تیلی، قولاغی و کۉزی بۉلیب حرکت قیلدی. بو مساله‌گه جدی یاردم بېردی.»
کۉپلب اجتماعي صحیفه‌لرده هم «اۉزبېک تی وی» نینگ بو باره‌ده‌گی ایشلرینی قدرلب، بوگونگی شرایطده مدنیت و تیل اوچون بونده‌ی یېتکرمه فعالیتی نهایتده مهم‌لیگی یازیلدی.
