طالبان‌نینگ مهاجرلر احوالیگه ییتیشیش عالی کمیسیونی تامانیدن نشر اېتیلگن معلوماتگه کۉره، اۉتگن کون دوامی‌ده ۲ مینگ و ۱۰۲ مهاجر عایله پاکستان و ایران‌دن چیقاریب، افغانستانگه قیتریلگن.
بو حقده نشر اېتیلگن معلوماتنی بیلدیریشیچه، اوشبو مهاجرلر سانی ۱۱ مینگ و ۸۵۵ کیشی‌دن عبارت اېکن که بیر کون ایچیده چیقاریلیب مملکتگه قیتریلگن.
ایتیلیشیچه اوشبو مهاجرلر، ایران و پاکستان مملکتلری تامانیدن جبری چیقاریلگن.
مذکور مهاجرلر، تورخم، اسپین بولدک، اسلام قلعه، نیمروز و بهرامچه چیگره یۉللری آرقه‌لی مملکتگه کېریب کېلگن.
طالبان بو مهاجرلردن کۉپینچه‌سیگه یاردم ترقه‌تیلگنینی هم اعلام قیلدی.
ایتیش کېره‌ک که پاکستان و ایران حکومتلری سونگی وقتلرده، افغانستانلیک مهاجرلرنی کینگ مقیاسده چیقارماقده دیر.
