طالبان مالیه وزیرلیگی بوگون یکشنبه ۲ – قوس بیر بیانات نشر قیلیب، پاکستان بیلن سودا باغلنیشی افغانستانگه هیچ قندهی تاثیر کۉرستمهگنینی ادعا قیلدی.
بو وزیرلیک بیاناتیده، حاضر افغانستاننینگ منطقه مملکتلری بیلن تجارتی نورمال کۉرینیشده دوام اېتیب تورگنی معلوم قیلینگن.
شونینگدېک طالبان مالیه وزیرلیگی، ینه بیربار افغانستانلیک سوداگرلردن توارلرنی تاشیش اوچون پاکستان یۉلی اۉرنیده باشقه یۉللرنی نظرده توتیشلرینی سۉرهشگن.
اوشبو وزیرلیک بو یۉللردن فایدهلنیلگن تقدیرده، طالبان سوداگرلر بیلن همکارلیک قیلیشده تیار دېب هم اعلام قیلدی.
ایتیش کېرهک که پاکستان بیلن طالبان اۉرتهسیدهگی تۉقنهشوولر یوز بېرگنیدن کېین، بو مملکت چیگرهلری یاپیلدی و حاضرگچه آچیلگن اېمس.
بوندن ایلگری ایریم خبرلر نشر اېتیلیب، اوشبو چیگره یاپیلیشی میلیونلب زیانگه سبب بۉلگنی بیلدیریلگن اېدی.
