کابل و اسلام آباد علاقه‌لری بیر آیدن کۉپراق وقت ایچیده هر زمامدن کۉره ینه – ده تاباره کېسکینلشگن.
سۉنگّی هفته‌لرده پاکستان‌نینگ افغانستان توپراغیگه حربي هجوملری و طالبان‌نینگ جواب قیتریشی چېگره حدودیده قوراللی تۉقنه‌شوولرنی کوچه‌یتیردی.
بو حالتلر ایکّی مملکت تجارتیگه بې‌واسطه سلبی تاثیر قۉیگن.
اوشبو کېلیشماوچیلیکلر کابل و اسلام آباد اۉرته‌سیده قطر و تورکيه واسطه‌چیلیگیده دوحه و استانبول‌ده مذاکره‌لر اۉتکزیلدی، لېکن انیق نتیجه‌‌گه اېریشیلمه‌دی.
طالبان سۉزچیسی ذبیح‌الله مجاهد، پاکستان هیئتی‌نینگ مسوولیتسیزلیگینی مذاکره‌لرنینگ اساسي تۉسیقی دېب اته‌دی. اما پاکستان رسميلری طالباننی تی‌تی‌پی جنگچیلرینی قۉللب-قوّتلشده عیبلشنی دوام اېتتیرماقده.
اقتصادی مسأله‌لر بۉییچه تحلیل‌چی عتیق الله متین جنابلری، بو تارتیشوولرنینگ افغانستان و پاکستان اوچون بۉلگن زیانلری حقیده اۉزبېک تی‌وی گه شوندی دېدی ” طالبان حکومتی انچه وقت‌دن بیری قطر و تورکیه میانجیگرلیگی آرقه‌لی، پاکستان بیلن مذاکره آلیب بارگن. آخرگی مذاکره‌سی هم نتیجه‌سیز قالدی و اوشبو مذاکره‌لر اگرده نتیجه بیرمسه، البته که هم پاکستان و هم افغانستان‌نی اقتصادی و تجارتی ساحه‌لریده جوده کتته ضربه ییتکزیله‌دی.”
شو بیلن بیرگه، جهان بانکی نینگ ینگی گزاشی‌گه کۉره، پاکستان چېگره‌لری یاپیق بۉلیشیگه قره‌مه‌ی، افغانستان صادراتی اکتوبر آییده اۉتگن ییلگه نسبتاً ۱۳% فایز آشیب، ۲۶۷ میلیون دالرنی تشکیل اېتگن.
لېکن پاکستان یۉلی یاپیق بۉلگنی سببلی افغانستان و پاکستان اۉرته‌سیده‌گی تجارت تۉخته‌لگن.
افغانستان تاجرلری هندوستان، ایران و اۉزبېکستان آرقه‌لی آلدی ساتدی فعالیتلرینی کۉپیتریشگه مجبور بۉلگنلر.
اقتصادی مسأله‌لر بۉییچه تحلیل‌چیلردن ینه بیری قطب الدین یعقوبی جنابلری بو حقده اۉزبېک تی‌وی بیلن بۉلگن صحبتیده ایتیشیچه ” حاضر افغانستان و پاکستان آره‌سیده‌گی تجاری علاقه‌لر تۉخته‌‌ب تورگن. شو سبب‌دن افغانستانده بار تجارت سیستمی تۉخته‌مسلیگی اوچون و تجارت آز بۉلمسلیگی اوچون، حاضر افغانستان، اورته آسیا مملکتلری و هندوستان کبی مملکتلر بیلن تجارتی علاقلرلر قورماغینی دوامی بار.”
جاری ییل نوامبر آیی‌نینگ ۱۲-سیده طالبان باش وزیری نینگ اقتصاد اۉرین باسری دارولرنی پاکستان‌دن وارد قیلیش تۉخته‌لیشینی تیلگه آلیب، تجارلردن مقابل یۉللرنی ایزلشنی سۉره‌دی.
شونینگدېک، طالبان‌نینگ صناعت و سودا وزیری تجارت ساحه‌سینی کېنگه‌یتیریش مقصدیده بیرینچی نوبتده اېران، کېین هندوستان‌گه سفر قیلدی.
نورالدین عزیزی اوچره‌شیش دوامیده تیناوون هندوستان‌نینگ دارو صادر قیلووچی کېنگشی بیلن اوچره‌شدی.
ینگی دهلی تامانی افغانستانده همکارلیکنی کېنگه‌یتیریش، دارو محصولاتلر صادر قیلیشنی آشیریش و افغانستانده قۉشمه سرمایه یاتقیزیشده تیارلیگینی بیلدیردی.
ایتیش کېره‌ککی، کابل و اسلام آباد اۉرته‌سیده‌گی سودا تۉخته‌تیلیشی ایکّی مملکت سوداگرلریگه میلیونلب دالر زیان یېتکزگن.
اما اۉتگن کون توشدن کېین مالیه وزیرلیگی بیر بیانات ترقه‌تیب افغانستان‌نینگ پاکستان بیلن تجارت علاقه‌لرینی اوزیشی مملکت سوداسیگه هېچ قنده‌ی سلبي تاثیر کۉرستمه‌گن و قۉشنی دولتلر همده دنیانینگ باشقه مملکتلری بیلن تجارت فعالیتی عادتده‌گی طرزده دوام اېتیشینی ایتگن.
