پاکستان‌نینگ افغانستان بۉییچه مخصوص وکیلی آصف درانی، ینه بیربار افغانستانده ترورچی گروه‌لر حضورینی ادعا قیلیب، بو خصوصده خواطر بیلدیردی.
درانی اۉزی‌نینگ ایکس صحیفه‌سیده یازگن بیاناتیده، افغانستانده ۲۰ ترورچی گروه بارلیگی بیرلشکن ملتلر تشکیلاتی تامانیدن تصدیق‌لنگنینی بیلدیریب، طالبان بو وضعیت‌نی باشقیریش‌ده قادر اېمس‌لیگینی ادعا قیلدی.
عینی حالده، پاکستان مخصوص وکیلی منطقه مملکتلریدن افغانستان احوالیگه اره‌لشیش‌لرینی طلب قیلگن.
پاکستان‌لیک بو دیپلومات، افغانستانده دوام اېتیب تورگن حاضرگی وضعیت طالبان باشقیروویدن تشقری دېب ادعا قیلگن.
طالبان حاضرگچه، پاکستان مخصوص وکیلی بو فکری خصوصیده مناسبت بیلدیرگن اېمس.
ایتیش کېره‌ک که بو سۉزلر، پاکستان و طالبان اۉرته‌سیده مناسبت‌لر یامانلشگن بیر وضعیتده تیلگه آلینماقده دیر.
