بلخ ولایتیده طالبان محلی رسمی‌لری‌نینگ اعلام قیلیشیچه، بوندن کېین افغانستان کۉمیری پاکستان اۉرنیده، اۉزبېکستانگه صادر قیلینیشی قرار قیلینگن.
شو بیلن بیرگه بلخ ولایتیده طالبان والیسی سۉزلاوچیسی حاجی زید، اۉزبېکستان و طالبان اۉرته‌سیده مهم اقتصادی کېلیشوولردن خبر بېردی.
طالبان‌نینگ بلخ ولایتی والیسی سۉزلاوچیسیگه کۉره، اۉزبېکستان بیلن ینگی تجاری کېلیشوولریگه موافق، افغانستان نینگ کۉمیر صادراتی اېندی پاکستان اۉرنیگه اوشبو مملکتگه عملگه آشیریله‌دی.
بلخ‌ده طالبان والیسی سۉزلاوچیسی کېچه (یک‌شنبه،۲ قوس) ایکس اجتماعي ترماغیده یازیشیچه، اوشبو کېلیشووگه موافق، اۉزبېکیستان افغانستان‌گه سمنت هم صادر قیله‌دی.
او شونینگدېک، بو کېلیشوو عملگه آشیریلگچ، مملکتده‌گی سمنت تنقیصلیگی برطرف اېتیلیشی و قوریلیش ایشلری تېزلشیشینی تأکیدله‌گن.
بلخ والیسی سۉزلاوچیسی‌نینگ قۉشیمچه قیلیشیچه، اۉزبېکستان اۉزیده ایشلب چیقریلگن دارولرنی، اینیقسه کابل شهری اوچون، افغانستان‌گه ارزان نرخلرده یېتکزیب بېره‌دی.
طالبان پاکستان بیلن سیاسي ترنگلیک سببلی تجارتنی تۉخته‌تگن و اوشبو مملکتدن دارولر وارد قیلیشنی منع اېتگن.
آلدین افغانستان ییلده مینگلب متر تُن کۉمیرنی پاکستانگه صادر قیلگن و اۉزی‌نینگ ضرور دارولری‌نینگ کتّه قِسمینی هم اوشبو مملکتدن آلیب کېلگن.
