طالبان ساغلیقنی سقله‌ش وزیرلیگی بوگون دوشنبه ۳ – قوس بیر بیانات ترقه‌تیب، ایچکی دارولر ایشلب چیقریشنی رواجلنتیریش و محلی فابریکه‌لرنی قۉللب-قوّتلش اوستیده ایش آلیب باریشینی تاکیدلگن.
اوشبو وزیرلیک حساباتیگه کوره، حاضرگی وقتده مملکتده ۱۳۰ ته دارو ایشلب چیقاریش فابریکه‌سی فعالیت کۉرسه‌تماقده و تخمیناً ۶۰۰ خیل دارو ایشلب چیقرماقده.
بو حقده نشر اېتیلگن بیاناتگه کۉره، مملکتده ایشلب چیقریلگن دارولرنینگ صفتی سېزیلرلی درجه‌ده یخشیلنگن و خلق‌ارا ستندردلرگه جواب بېره‌دیگن بیر قنچه محلي فابریکه‌لرگه دارو صادر قیلیش اوچون رخصت‌نامه هم بېریلگن. رسمي معلوماتلرگه اساسیده، افغانستان هر ییلی قریب ۴۰۰ میلیون دالرلیک دارو ساتیب آله دی و اوشبو رقم نینگ کتته قسمی پاکستان دن وارد قیلینردی.
جاری ییل نوامبر آیی نینگ ۱۲نچیسیده طالبان باش وزیری نینگ اقتصادی اورین باسری ملا عبدالغنی برادر دارولرنی پاکستاندن وارد قیلیشی توخته لیشینی سوره‌ب و سوداگرلردن مقابل یۉللرنی ایزلشنی ایسته‌گن ایدی.
شوندی بیرحالده، بلخ ولایتیده طالبان محلی رسمی‌لری اۉزبېکستان، افغانستانگه ارزان نرخده دارو صادر قیلیشده تیارگرلیک کۉرسه‌تگنینی اعلام قیلدی.
