افغانستان تورکتبار عیاللری حرکتی بیر قطعنامه نشر قیلیب، افغانستانده خاتین-قیزلر گواهی بۉلیب تورگن احوالدن خواطر بیلدیردی.
بو حرکت تامانیدن اوشبو قطعامه ۲۵ – نوامبر عیاللرگه قرشی زورهوانلیکلرنی توگهتیش خلقارا کونی همده بو خصوصده بۉلگن ۱۶ کونلیک کمپاین مناسبتی بیلن نشر قیلینگن.
افغانستان تورکتبار عیاللرینینگ حرکتی، اوشبو قطعنامهسی بیش بنددن عبارت بۉلیب، اوشبو بیاناتده افغانستانده عیاللر احوالی آغیرلیگی تاکیدلنگن حالده، بو خصوصده خلقارا همجمعیتیدن اعتبار قرهتیشی طلب قیلینگن.
شونینگدېک بو حرکت بیاناتیده، افغانستانده خاتین-قیزلرگه نسبتن چیکلاولر اینقسه اولر اۉقیش و ایشلشدن محروم اېتیلیشی دوامی خصوصیده خواطر بیلدیریلگن.
عینی حالده افغانستان تورکتبار عیاللرینینگ حرکتی بو وضعیت برابریده اۉزینینگ مدنی کورهشیشی دوام اېتیشی هم معلوم قیلینگن.
ایتیش کېرهک که عیاللرگه قرشی زورهوانلیکلرنی توگهتیش خلقارا کونی ییتیب کېلیشی بیلن، افغانستانده خاتین-قیزلر احوالی آغیر بۉلگنی ینه بیربار آگاهلنتیریلماقده دیر.
