فاریاب ولایتیدن محلی منبع‌لرنینگ تصدیق‌لشیچه، بو ولایتده ترافیکی حادثه یوز بېریب اهالی‌دن قربانلیک آلگن.
بو حقده اۉزبېک تی‌وی اختیاریده قرار تاپکن معلوماتگه کۉره، واقعه فاریاب ولایتی‌نینگ پشتونکوت تومنی‌ده تۉی مهمانلرینی آلیب کېته‌یاتگن موتر آغدریلیشی عاقبتیده یوز بېریب سکّیز کیشی جان بېرگن.
شونینگدېک اوشبو واقعه نتیجه‌سیده ینه ۱۵ کیشی یره‌لنگنی معلوم قیلینگن.
واقعه پشتونکوت تومنی‌نینگ «میاندره» تومنی‌ده فلانکوچ روسوملی موتر آغدریلیشی سبب یوز بېرگن.
منبعلر نینگ ایتیشیچه، حادثه‌ده اوچ اېرکک، بېش عیال و بیر باله هلاک بۉلگن همده 15 کیشی عیاللر و باله‌لر یره‌لنگن.
اولر نینگ سۉزلریگه کۉره، بو موتر پشتونکوت تومنی «رهی» قیشلاغیده‌گی تۉیدن فاریاب ولایتی نینگ کوهستان تومنیده‌گی «جی» قیشلاغیگه کېته‌یاتگن بۉلیب و یۉلده بیر کوتلدن قوله‌ب کېتگن.
طبي منبعلر یره‌لنگنلر فاریاب ولایت کسلخانه‌سیگه یېتکزیلگنینی و بعضیلر نینگ احوالی آغیر اېکنینی اَیتماقده.
حادثه سببی حلی انیقلنمه‌گن. طالبان نینگ فاریابده‌گی مسوللری هم بو باره‌ده ایضاح بېرمه‌گن.
مملکتده یۉللرنینگ بوزوقلیگی و یۉل حرکتی قاعده‌لریگه رعایه قیلینمسلیگی اېنگ اساسي ترافیکی حادثه سببلریدن بیری حسابلنه‌دی.
