افغانستانده‌گی بریتانیا اېلچیخانه‌سی سه‌شنبه کونی 4- قوس، خاتین-قیزلرگه نسبتاً زۉرآورلیکنی توگه‌تیش خلق‌ارا کونی مناسبتی بیلن افغانستانلیک عیاللرنی قۉللب-قوّتلش حقیده‌گی اۉز مجبوری‌تینی ینه بیر بار تأکیدله‌گن.
اېلچیخانه قۉشیمچه قیلشیچه، او افغانستان عیاللری نینگ آوازینی کوچه‌یتیریشنی دوام اېتدیره‌دی.
بوندن تشقری، بریتانیا اېلچیخانه‌سی افغانستان عیاللری نینگ حقلری، اېرکینلیگی و تېنگلیگیگه حرمت کۉرسه‌تیلیشینی طلب قیلگن.
شونینگدېک، بیرلشگن ملتلر تشکیلاتی نینگ افغانستانده‌گی یاردم دفتری (یوناما) هم افغان عیاللرینی قۉللب-قوّتلش ضرورلیگینی بیلدیرگن.
اوشبو اداره نینگ تأکیدلشیچه، سۉنگی ایکّی ییل ایچیده افغانستان عیاللریگه نسبتاً زۉرآورلیک 40 فایزگه آشگن.
خاتین-قیزلرگه نسبتاً زۉرآورلیکنی توگه‌تیش خلق‌ارا کونی یقینلشر اېکن، افغانستان عیاللری طالبان نینگ تیزیملی باسیمی آستیده قالماقده.
